October 22, 2013

თანამედროვეთა სახეები - კარო კახკეჯიანი და ა.შ.

დაიბადა 1962 წელს სირიის ქალაქ ალეპოში. მისი ბაბუა იყო ლეგენდარული დრასტამატ კანაიანის //დაშნაკი დროს მცველი. მამამისის სხვა ნათესავებიც მონაწილეობდნენ განმანთავისუფლებელ მოძრაობაში.


მამამისი იყო მახლობელ აღმოსავლეთში გავლენიანი ბიზნესმენი. ის ალიუმინის ქარხანას ხელმძღვანელობდა ნიგერიაშიც.

1970 წლის მაისში კახკეჯიანების ოჯახი გადავიდა ბეირუთში სადაც კარომ ისწავლა საშუალო სკოლაში. შემდეგ კარო სწავლობდა ფრანკფურტში. მან სომხურის გარდა იცოდა არაბული, ქურთული, ინგლისური, გერმანული, თურქული და იტალიური ენები.

ნასწავლი კარო ჩაერთო ოჯახურ ბიზნესში. ერთ წელზე მეტი ხნის მანძილზე ის ხელმძღვანელობდა ქარხნის წარმომადგენლობას ლონდონში.

საქმე კარგად მიდიოდა და აიკ კახკეჯიანმა გახსნა წარმომადგენლობა აშშ-ს შტატი კალიფორნიას ქალაქ ფრესნოში.

ახალგაზრდა კარო-კარაპეტი იქ დაუახლოვდა სომეხ პატრიოტებს და სომხურ კულტურულ ცენტრს.

ერთ-ერთ პატრიოტულ საღამოზე მან გაიცნო შაგე აგემიანი ვისთანაც ერთად იბრძოლებს არცახის //მთიანი ყარაბაღის// აზერბაიჯანისგან გამოყოფისთვის

1988 წლამდე კარო-კარაპეტ კახკეჯიანი და მისი მეგობრები აქტიურად მონაწილეობდნენ ამერიკის სომხური დიასპორის ცხოვრებაში,სხვათა შორის ქირაობდნენ სპორტულ დარბაზებს სადაც სწავლობდნენ საბრძოლო ორთაბრძოლის ხელოვნებას.

October 19, 2013

ა.დ.სახაროვის კონსტიტუცია - ამის საფუძველზე ანგრევენ საქართველოსაც

სახაროვს ყვავილებით 
ხვდებიან თბილისში
25. საწყის ეტაპზე, ევროპისა და აზიის საბჭოთა რესპუბლიკათა კავშირის შემადგენელ ნაწილებს წარმოადგენ ყოფილი საბჭოთა სოციალისტური რესპუბლიკების კავშირის მოკავშირე და ავტონომიური რესპუბლიკები. ეროვნულ-ნაციონალური ტერიტორიები და ოკრუგები. რუსეთის ყოფილი საბჭოთა ფედერაციული საოციალისტური რესპუბლიკა ქმნის რუსეთის რესპუბლიკას და რიგ სხვა რესპუბლიკებს. რუსეთი დაყოფილია ოთხ ეკონომიურ რაიონად - ევროპული რუსეთი, ურალი, დასავლეთი ციმბირი, აღმოსავლეთი ციმბირი. ყოველ ეკონომიკურ რაიონს გააჩნია სრული ეკონომიკური დამოუკიდებლობა, აგრეთვე, სპეციალური პროტოკოლით გათვალისწინებულ რიგ სხვა ფუნქციებშიც გააჩნია დამოუკიდებლობა.

26. რესპუბლიკებს შორის არსებული საზღვრები ხელშეუხებელია დამფუძნებელი კრების შემდგომი პირველი 10 წლის განმავლობაში. ამის შემდეგ რესპუბლიკებს შორის საღვრების შეცვლა, რასპუბლიკების გაერთიანება, რესპუბლიკების უფრო მცირე ნაწილებად დაყოფა, რესპუბლიკის მოსახლეობის ნების და თვითგამორკვევის პრინციპის შესაბამისად მშვიდობიანი მოლაპარაკებებისა და მასში ცენტრალური ხელისუფლების მონაწილეობის გზით ხორციელდება.
რუსული ვრიანტი: http://www.yabloko.ru/Themes/History/sakharov_const.html

ა.დ. სახაროვი
ევროპისა და აზიის საბჭოთა რესპუბლიკებიკონსტიტუცი
პროექტი
1. ევროპისა და აზიის საბჭოთა რესპუბლიკების კავშირი (შემოკლებით - ევროპულ-აზიური კავშირი, საბჭოთა კავშირი) - ევროპისა და აზიის სუვერენული რესპუბლიკები ნებაყოფლობითი გაერთიანებაა.

October 1, 2013

ევროპა და დაბეჩავებული კავკასია, საინტერესო გამოცდილება


კომიტეტები ჩეჩნეთი 

1989-90-ან წლებში საბჭოთა დემოკრატიის ლიდერმა აკადემიკოსმა სახაროვმა საქრთველო გამოაცხადა არამზადა სტალინის მიერ შექმნილ მცირე იმპერიად და გამოქვეყნა კონსტიტუციის პროექტი რომლის თანახმადაც საქართველოს უნდა გამოყოფოდა მისი ავტონომიები და ეს ყოფილი ავტონომიები და საქართველოსგან დარჩენილი ნაწილი ცალ-ცალკე უნდა შესულიყვნენ ე.წ.ევროპის და აზიის საბჭოთა რესპუბლიკების კავშირში რომლის შექმნაც იგეგმებოდა საბჭოთა კავშირის მაგივრად და ადგილზე. აქართველოს ასე დაჯიჯგვნიდან ათი წლის შემდეგ კი უნდა დამდგარიყო მისი დარჩენილი ნაწილის საზღვრების გადასინჯვის საკითხიც. ყველაფერი ეს ანუ კონსტიტუციის პროექტი ბევრჯერ გამოქვეყნდა რუსულად როგორც საბჭოთა ისე რუსულ პრესაში.

ეს იყო საქართველოსთვის ომის გამოცხადება. შედეგები ცნობილია-დანგრეული თბილისი და დანარჩენი საქართველო, გაუდაბურებული და ნანგრევებად ქცეული ქალაქები და სოფლები, საქართველოს მთელი მხარეების დაცლა  მშვიდობიანი ქართული მოსახლეობისგან.გაჩნდა ასობით ათასი მაწანწალდ ქცეული ლტოლვილი.

ეს ომი დღესაც გრძელდება ჩვენს თვალწინ. რუსეთის  შეიარაღებული ძალები და მათი დამხმარე ნაწილები შიდა ქართლში  ანგრევენ ქართველების სახლებს და ქართველებს აძევებენ მათი მამა-პაპათა მიწიდან.

ასეთია გორბაჩოვის, ელცინის და პუტინის მეთაურობით მოქმედი საბჭოთა და პოსტსაბჭოთა დემოკრატიის მიღწევები.

აი ამ ფონზე საინტერესოა ეს გამოცდილებაც. იქნებ მოხერხდეს ევროპელთა დარწმუნება იმაში რომ საქართველოს წინააღმდეგ ომის დამთავრებაც და საქართველოს აღგენაც კარგი იქნება ევროპელებისთვისაც.

არ იქნებოდა ცუდი ალბათ ევროპაში საქართველოს კომიტეტების შექმნაც. ჩეჩნებზე არანაკლებ დაზარალებული სრულიად უდანაშაულო და უმწეო ქართველები იმსახურებენ ამას/

პირველი კომიტეტები ჩეჩნეთი შეიქმნა პირველი რუსულ-ჩეჩნური ომიდან //1994-1996//. 

მათი მისიები იყო საზოგადოებრივი აზრის მობილიზაცია ჩეჩნეთში ომის წინააღმდეგ, ინფორმაციის გავრცელება, ჩეჩნების და რუსების მხრდაჭერა ომის წინააღმდეგ ბრძოლით. ხელის შეწყობა საფრანგეთში ჩეჩნების ჩამოსვლისთვის და ჩეჩნების მიერ აზრის საჯაროდ გამოთქმისთვის,ჩეჩენი ლტოლვილებისთვის დახმარების გაწევა.

პუტინს უნდა დიდი ევროპა-ევრაზია ლისაბონიდან ვლადივოსტოკამდე


ცოტა ხნის წინ ბერლინში გავლენიანმა გაზეთმა "ზიუდოიჩე ცაიტუნგ" მოაწყო შეხვედრა რომელზეც ქალბატონი ანგელა მერკელის მიწვევით გამოვიდნენ ევროპული ქვეყნების ლიდერები.

რა თქმა უნდა ყველაზე საინტერესო და მომხიბლავი იყო პოლკოვნიკი-პრემიერ მინისტრი პუტინის გამოსვლა რომელმაც გამოაცხადა რომ მას უნდა არც მეტი და არც ნკლები - დიდი ევროპა ლისაბონიდან ვლადივოსტოკამდე.


მანიაკი ძერჟინსკის ღირსეული მემკვიდრე პოლკოვნიკი პუტინის მიერ წარმოდგენილი გეგმა არის კონტინენტური გეოპოლიტიკის ისტორიული გამოხატულება.

ეს გეოპოლიტიკა იმთავითვე მიმართული იყო ევროპისა და რუსეთი-ევრაზიის სივრცის გაერთიანებისკენ ერთიან ეკონომიკურ,სტრატეგიულ და რესურსულ ზონად.

მეთვრამეტე-მეცხრამეტე საუკუნეებში ამ პოლიტიკის გატარებას ცდილობდა ნაპოლეონი რომელიც კონტინენტურ ევროპას უპირისპირებდა კუნძულ ინგლისს. აქედანა მისი პავლესთან და ალექსანდრე პირველთან დახლოების //მაგ.ტილზიტის ზავი// პერიოდები.

მეოცე საუკუნეში ამას ისახავდნენ მიზნად ევროპელი გეოპოლიტიკოსები //"კონტინენტური ბლოკი" ბერლინი-მოსკოვი-ტოკიო//.

საბჭოთა კავშირის ბოლო ათწლეულებში ანალოგიურ იდეებს ავითარებდნენ ბელგიელი ჟან ტირიარი //ევროსბჭოთა იმპერია ვლადივოსტოკიდან დუბლინამდე// და ეხლახანს გარდაცვლილი ფრანგი მწერალი და გეოპოლიტიკოსი ჟან პარვულესკუ //1929-2010// რომელმაც გავლენა მოახდინა ფრანგ პოლიტიკოსებზეცკერძოდ დომინიკ დე ვილპენზე და მთლიანობაში თანამედროვე ნეოგოლიზმზე//.

September 30, 2013

პოსტსაბჭოთა ლამცა-დრიცა გოპ-ცა-ცა!!!

საბჭოთა დემოკრატია გულაობს... 
Достоевский говорил:
Красота спасет наш мир!
Обосрали мудреца.
Ламца-дрица гоп-ца-ца.

დევიდ სატერის აზრით საბჭოთა რეფორმატორებს ესმოდათ რომ ისინი რუსეთში აგებენ კრიმინალურ კაპიტალიზმს, მაგრამ ეგონათ რომ ეს კრიმინალური კაპიტალიზმი გადაიქცევა რაღაც უკეთესად რაც სინამდვილეში არ მოხდა.
Россия - проблема для самой себя
http://www.svobodanew.com/%D1%80%D0%BE%D1%81%D1%81%D0%B8%D1%8F-%D0%BF%D1%80%D0%BE%D0%B1%D0%BB%D0%B5%D0%BC%D0%B0-%D0%B4%D0%BB%D1%8F-%D1%81%D0%B0%D0%BC%D0%BE%D0%B9-%D1%81%D0%B5%D0%B1%D1%8F/

დევიდ სატერი 1976-1982 წლებში საბჭოთა კავშირში და რუსეთში მუშაობდა «Financial Times»-ის კორესპონდენტად და შემდეგ «Wall-Street Journal»-ის საგანგებო კორესპონდენტად. მან დაწერა წიგნები ელცინის რუსეთზე წყვდიადი გარიჟრაჟზე და მისი წიგნი "სიგიჟის საუკუნე"-ს მიხედვით მან და რეჟისორმა ანდრეი ნეკრასოვმა გადაიღეს დოკუმენტური ფილმი.

//ეს ნაწყვეტია//.

სრული სათაურია " წყვდიადი გრიჟრაჟზე, რუსული კრიმინალური სახელმწიფოს ჩამოყალიბება.".

იქ მოყოლილი იყო 1999 წელს მოსკოვში საცხოვრებელი სახლების აფეთქების შესახებ. ეხლა შეიძლება ამ ტექსტის ახალი მონაცემებით სევსება, მაგრამ მთავარი უცვლელი იქნება.

ძნელია დანამდვილებით თქმა იმისა თუ რა მოხდა მოსკოვში,ბუინაკსკში და ვოლგოდონსკში.

ცხადია მხოლოდ ის რომ უშიშროების ფედერალური სამსახურის თანამშრომლებმა რიაზანში ერთ-ერთი საცხოვრებელი სახლის სარდაფში დააწყვეს შაქრით თუ ჰექსოგენით სავსე ტომრები და მათ წაასწრეს ამ ამბის ადგილზე.

მათ თავისი მოქმედებები ახსნეს სწავლებით.

ძირითადი ვერსია ისევ ისაა რომლის თანახმადაც ეს იყო სპეცსამსახურების ოპერაცია. ყველა საბუთი ჯერ-ჯერობით მიუთითებს უშიშროების ფედერალურ სამსახურზე.

ე.წ. რიაზანის საქმე დღემდე გახსნილი არაა. ამ წლების მანძილზე არავის დაუმტკიცებია რომ სარდაფებში ჩეკისტების მიერ ვითომ სწავლებისთვის დაწყობილ ტომრებში მართლაც შაქარი იყო და არა ჰექსოგენი და რომ ასაფეთქებელი მართლაც იმიტაციური იყო,როგორც ამას ოფიციალურად აცხადებდა უშიშროების ფედერალური სამსახურის უფრო ნ.პატრუშევი.

August 15, 2013

აკადემიკოსი სახაროვის წინამორბედი ბოლშევიკი ღენერალი სიტინი და მისი გეგმები

საქართველოს გასაბჭოებიდან სულ ცოტა ხნის შემდეგ, 1921 წლის 30 აპრილს ბოლშევიკების სამხედრო ატაშემ დემოკრატიულ საქართველოში პაველ პავლოვიჩ სიტინმა  აი ასეთი დოკუმენტი «აფრინა» მოსკოვს:


«უეჭველია რომ ამ საკითხს ფრთხილად უნდა მივუდგეთ, მაგრამ ხომ არ შევწირავთ ინტერნაციონალისთვის არსებით მიზნებს რუსეთის საბჭოთა ფედერატიულ სოციალისტურ რესპუბლიკასა და თურქეთსა და ანტანტას შორის ტერიტორიულად ესოდენ მნიშვნელოვანი პოზიციის მქონე პატარა ერის შოვინიზმს?...

ადგილობრივი შოვინისტების წინააღმდეგ ერთ-ერთი გამაფრთხილებელი ზომა უნდა იყოს საქართველოს საზღვრებში… რუსეთის საბჭოთა ფედერატული სოციალისტური რესპუბლიკის წითელი არმიის საკმაოდ ძლიერი ნაწილების დატოვება. ქართული შოვინიზმის მატერიალურად და მორალურად დამასუსტებელ მეორე ზომად ვთვლი აფხაზეთის გამოყოფას... რუსეთის საბჭოთა ფედერატული სოციალისტური რესპუბლიკის საზღვარი დაუყოვნებლივ უნდა გადავწიოთ ბზიფის მარჯვენა სანაპირომდე, ე.ი. აფხაზეთთან უშუალო მეზობლობამდე.


თუ კი შემდეგ აფხაზ ხალხს, მაგალითად პლებისციტის ფორმით (მისი ჩატარება შეიძლება უმოკლეს დროში), შევეკითხებით თუ სახელმწიფოებრივი არსებობის როგორ ფორმას მოისურვებდა უეჭველია რომ აფხაზი ხალხი მოისურვებს სრულ შეერთებას რუსეთის საბჭოთა ფედერატულ სოციალისტურ რესპუბლიკასთან. რუსეთის საბჭოთა ფედერატული სოციალისტური რესპუბლიკისათვის უდიდესი პოლიტიკური და სტრატეგიული მნიშვნელობის მქონე ეს აქტი რუსეთს გადასცემს ქართველების მიერ აოხრებული ამ მხარის უდიდეს ბუნებრივ სიმდიდრეებს. თვითონ საქართველო, საბჭოთაც კი, და
, მით უმეტეს აფხაზეთი ვერასოდეს მოახერხებენ ამ ქვეყნის ტყეების და მთების უზარმაზარი სიმდიდრეების ათვისებას და მეთამბაქოების და მეთევზეობის სწორად დაყენებას...

July 31, 2013

სუპერტერორისტები: ლენინი, სტალინი, ნესტორ ლაკობა, კამო....

სუპერტერორისტები - მიქოიანი,
სტალინი, ორჯონიკიძე, ტფილისი, 1925
ბოლშევიკთა მხეცობების ისტორიიდან:
ესერების მსგავსად ბოლშევიკებიც ფართოდ იყენებდნენ ტერორს.

ბოლშევიკებმა შექმნეს თავისი მებრძოლი ორგანიზაცია რომელსაც დაარქვეს «მებრძოლი ტექნიკური ჯგუფი». »ტექნიკური ჯგუფი ცენტრალურ კომიტეტთან», »სამხედრო-ტექნიკური ჯგუფი».


1905 წლამდე ტერორის მოწინააღმდეგე ლენინი 1905 წელს გადაიქცა ტერორის გააფთრებულ მომხრედ .

ლენინი ყველაზე მიზანშეწონილად მიიჩნევდა ყველაზე რადიკალურ და მხეცურ მეთოდებს.

ანა გეიფმანს მოყავს დოკუმენტები რომელთა თანახმადაც ბოლშევიკთა ლიდერი მოუწოდებდა რევოლუციური არმიის ყველანაირი ზომის და სულერთია როგორ
//თოფით, რევოლვერით, ყუმბარით, კასტეტით, ჯოხებით, ცეცხლის წასაკიდად ნავთით გაჟღენთილი ჩვრით// შეიარაღებული მინიმუმ ორ-სამ კაციანი ჯგუფების //ბანდების// შექმნისაკენ.

ლენინი მზად იყო ესერებზე უფრო შორს წასასვლელადაც...

ლენინი ამტკიცებდა რომ ბოლშევიკთა ბანდები ყველანაირ საშუალებას უნდა იყენებდნენ აქტიური მუშაობისთვის ანუ ადამიანების ხოცვა-ჟლეტა-ძარცვცისთვის და ქვეყნის ნგრევისთვის.

July 25, 2013

რა უქნეს ჩუქჩებს ბოლშევიკებმა.მათი მემკვიდრე საბჭოთა დემოკრატები ალბათ ამას უპირებენ ქართველებსაც

რომანოვთა იმპერიამ ვერაფერი უქნა მათ, ბოლშევიკები კი გეგმაზომიერად სპობდნენ ჩუკჩების საუკეთესო ადამიანებს, შამანებს, უხუცესებს და ტრადიციების და ეთნიკური სულის სხვა მატარებლებს. ცხოვრების ტრადიციული წესის მსხვრევამ და მოსპობამ დაასუსტა ჩუკჩების ჯანმრთელობა და სული.


ბოლშევიკური პროპაგანდა კი ბოლშევიკების მიერ მომსპარ ჩუკჩებს ანეგდოტების მეშვეობით აცხადებდა რეგვენებად და დებილებად.

ჩრდილო-აღმოსავლეთ ციმბირში ყველაზე მებრძოლი ხალხები იყვნენ მომთაბარეები და მათ შორის თავისი მებრძოლი თვისებებით გამოირჩეოდნენ ჩუკჩები რომლებიც ამარცხებდნენ არა მარტო ადგილობრივი ხალხების ლაშქრებს არამედ რუსეთის იმპერიის კოლონიალურ ჯარებსაც.

ჰავა უფრო რბილი რომ ყოფილიყო ჩუკჩები ალბათ შეასრულებდნენ ვიკინგების როლს.

ამ თვისებებით ჩუკჩები ჯობდნენ ჩრდილო-აღმოსავლეთი აზიის სხვა ხალხებს. მონღოლოიდებს შორის ისინი გამოირჩეოდნენ მასიურობით, სიმაღლით, ფართო ბეჭებით, დიდი სახით,ზოგჯერ კეხიანი ცხვირით, ულვაშებით, მუქი შავი თმებით.
ჩუკჩები ძლიერები და ამტანები იყვნენ. მათ ჰქონდათ ვარჯიშის გამორჩეული სისტემა და განვითარებული სამხედრო და საბრძოლო ხელოვნება. ჩუკჩას შეეძლო მთელი დღე სირბილი დაღლის გარეშე .

ჩუკჩები ამზადებდნენ აბჯარს, იარაღს, მათ ჰქონდათ ინფორმაციის გადაცემის სისტემა. მომთაბარე ჩუკჩებს გამოარჩევდა სიმამაცე და მებრძოლი ხასიათი.

მათ გამოარჩევდა ძველი კულტურა //ეკვენის სამაროვანი//, რთული ხელოვნება, ზეპირსიტყვიერება, ცხოვრების მაღალი დონე, შედარებით ნაკლები ავადმყოფობები, სიცოცხლის უფრო დიდი ხანგრძლივობა.

June 30, 2013

ვლადიმირ პუტინი - მზის ღმერთი!

ამ პესიმისტის აზრით თუ არ იქურდებს საბჭოთა დემოკრატების ერთი ჯგუფი იქურდებს საბჭოთა დემოკრატების ჯგუფი მეორე...


ლიუკ ჰარდინგის წიგნი "მაფია სახელმწიფო". დაიბეჭდა წერილიც "პუტინი ნათლიმამა"
“//Putin, der Pate”//


რა არის რუსეთი - ავტოკრატია, ოლიგარქია, პლუტოკრატია თუ მაინც მართული დემოკრატია?

ლიუკ ჰარდინგის თქმით რუსეთი არის მაფიური სახელმწიფო. ხელისუფლებასა და კრიმინალს შორის საფუძველში არაა არავითარი განსხვავება. ორგანიზებული კრიმინალი და ძალისმიერი ორგანოები შეერთდნენ ერთ მთლიანობად.

ლაპარაკია მხოლოდ ქურდობაზე. სახელმწიფო ხელისუფლების მწვერვალზე სულაც არ კამათობენ რეფორმატორები და მკაცრი ხაზის მომხრეები. 

სინამდვილეში ერთმანეთს გადამტერებულ-გადაკიდებული დაჯგუფებები ერთმანეთს ებრძვიან უზარზმაზარი იმპერიის წიაღისეულის უზარმაზარი მარაგის წილების გამო. რუსეთის ელიტის მრავალი წარმომადგენელის თქმით თუ ისინი არ მოიპარავენ მოიპარავენ სხვები.

ვლადიმირ პუტინი კი არის ამ კორუფციული სტრუქტურის შემაკავშირებელი წებო.
რუსეთის მმართველი ზედაფენა დარწმუნებულია რომ მხოლოდ მას შეუძლია ამ სისტემის არსებობის და ფუნქციონირების გახანგრძლივება.

June 26, 2013

პომერანც-სახაროვის და სოლჟენიცინის დავა-კამათი და ა.შ.

მასალები არა მარტო საქართველოს ნგრევის ისტორიისთვის.
ჩეჩნეთზე წერილის ავტორია სახელგანთქმული მოსკოველი დისიდენტი, ფილოსოფოსი, კულტუროლოგი და პუბლიცისტი, თვითგამოცემებით გავრცელებული ფილოსოფიური ნაშრომების ავტორი გრიგორი სოლომონოვიჩ პომერანცი.


მისმა ნაწერებმა 1960-70-ან წლებში უარმაზარი გავლენა მოახდინეს საბჭოთა ლიბერალების მსოფლმხედველობაზე.

მისი უკვე სტუდენტური ნაშრომი ჩათვალეს ანტიმარქსისტულად და მისი საკანდიდატო დისერტაცია მოსპეს მას შემდეგ რაც ის დაიჭირეს 1949 წელს.1950-53 წლებში გადასახლებული იყო 5 წლით,გაანთავისუფლეს ამნისტიით და 1958 წელს რეაბილიტირებული იყო.

მოკლედ 1918 წელს ვილნოში დაბადებული გრიგორი სოლომონოვიჩი სტაჟიანი ანტისოვეტჩიკი იყო. 

პომერანცზე დიდი გავლენა მოახდინს უნგრეთის 1956 წლის მოვლენებმა და პასტერნაკის დევნამ. მას გაუჩნდა საბჭოთა რეჟიმთან უშუალო, პირდაპირი დაპირისპირების აზრი იატაკვეშეთის ექსპერიმენტის და შეიარაღებულ ბრძოლაში მონაწილეობის ჩათვლით, რა თქმა უნდა თუ კი ასეთი ბრძოლა დაიწყებოდა,
1959-60 წლებში პომერანცის ირგვლივ იქმნება ერთგვარი ნახევრად იატაკქვეშა ფილოსოფიურ-ისტორიული და პოლიტეკონომიური სემინარი //"მსუბუქად კონსპირაციაში მაგრამ არაორგანიზებული"//.

June 15, 2013

რასპუტინის მოკვლამ გაუხსნა გზა ძერჟინსკის, ანდროპვს, გორბაჩოვს და პუტინს...

რასპუტინი

ოველივე ამის და კიდევ მეტის წაკითხვა შეგიძლიათ კოლინ ვილსონის წიგნში « ოკულტური, ადამიანის ფარული ძალები»,ინგლისური ორიგინალი « The Occult გამოიცა 1971 წელს, მისი ფრანგული თარგმანი კი 1973 წელს.
 
რასპუტინი კალიოსტროსაგან განსხვავებით გავლენიანი კაცი გახდა მეფის კარზე. მეფის ვაჟიშვილს სტანჯავდა მემკვიდრეობითი ჰემოფილია. უმცირესი ჭრილობაც კი იწვევდა ძლიერ სისხლისდენას და მას შეეძლო საშიში ხასიათის მიღება. რომანოვთა ბედი დამოკიდებული იყო ოჯახის ერთადერთ ვაჟიშვილ ალექსიზე. ერთხელ როდესაც ალექსი უხერხულად დაიჭრა და მძიმე მდგომარეობაში იყო ვიღაცამ უთხრა დედოფალს რომ დახმარების გაწევა ალბათ შეეძლო სასწაულთმომქმედ რასპუტინს. რასპუტინს უხმეს და მანაც დაიწყო ლოცვა ბავშვის სასთუმალთან. მას შემდეგ რაც რასპუტინმა ლოცვა დაამთავრა ალექსი სუნთქავდა ნორმალურად და მას მშვიდად ეძინა. რასპუტინმა მრავალჯერ უშველა მეფისწულს. ვერავინ ვერ იტყვის ზუსტად თუ რა ძალა ჰქონდა რასპუტინს, მაგრამ მას ნამდვილად შეეძლო სისხლისდენისთვის ხელის შეშლა

ძნელია იმის თქმა თუ რატომ გაიჩინა რასპუტინმა ამდენი მტერი მეფის კარზე. 1963 წელს გამოცემულ ერთ ბიოგრაფიაში გამეორებულია ფართოდ გავრცელებული აზრი რომლის თანახმადაც რასპუტინი ერეოდა პოლიტიკაში და ბოროტად იყენებდა თავის გავლენას დედოფალზე თავისი მეგობრების მნიშვნელოვან თანამდებობებზე დასანიშნავად. შემდეგ კი მისმა ერთ-ერთმა მოწაფემ, დოქტორ ელისაბედ ჟუდასმა ნიუ იორკიდან განაცხადა რომ არაფერი არ ადასტურებს ამას…

პერესტროიკის ძირებთან, მოსკოვური მამაძაღლობა და ოკულტიზმი

მოსკოვური ჯუნგლებიდან - ფაშისტი ოკულტისტების გურუ ევგენი გოლოვინი 


ფაშისტი ოკულტისტების გურუ
ევგენი გოლოვინი,
"ფაშიზმის კირილე და მეთოდე".
http://general-ivanov.livejournal.com/768359.html
ეს არაა პროვინციული ფაშიზმი.
ცნობა გაზეთიდან სტრინგერ //2003//. არის ზოგი უზუსტობა,ზოგადი დილეტანტიზმიც, მაგრამ ძირითადი ფაქტები სწორია.

ჯერ ეს- 2011 წლის 11 დეკემბერს რუსეთის მთავრობის მეთაურმა ვლადიმირ პუტინმა 80 წლის შესრულება მიულოცა მწერალ იური მამლეევს და დააყოლა რომ მისი შემოქმედება იქცა რუსული და მსოფლიო ლიტერატურის მნიშვნელოვან მოვლენად.

ეს მამლეევი არის რუსი მწერალი, დრამატურგი, პოეტი და ფილოსოფოსი, 1991 წელს დააჯილდოვეს ანდრეი ბელის პრემიით. ისაა მეტაფიზიკური რეალიზმის კლუბის პრეზიდენტი, ამერიკული, ფრანგული და რუსული პენ-კლუბის წევრი, რუსეთის მწერალთა, ლიტერატორთა და დრამატურგთა კავშირების წევრი.

ეხლა უფრო ყურადღებით დავაკვირდეთ ბატონს ვინც ესოდენ გამოარჩია კგბს პოლკოვნიკმა პუტინმა.

1960-ანი წლების ბოლოს მოსკოვის ცენტრში, იუჟინის სესახვევში, მწერალ იური მამლეევთან იკრიბებოდა ხოლმე ანდერგრაუნდ-იატაკქვეშეთის ბოჰემის მრავალი გენიოსი - მხატვრები ანატოლი ზვერევი, ვლადიმირ პიატნიცკი, პოეტები გენრიხ საპგირი, იური კუბლანოვსკი, ლეონიდ გუბანოვი, მწერალი ვენედიქტ ეროფეევი. ამ შესახვევში ქადაგებდნენ კაბალას, შავი მაგიის,პითაგორეველთა, შუა საუკუნეების ოკულტისტთა და ალქიმიკოსთა ფეთქებადსაშიშ ნარევს და არა მარქსიზმ-ლენინიზმს.

June 9, 2013

ანდროპოვი და საბჭოთა კავშირის ევროპისა და აზიის საბჭოთა შტატების კავშირად გადაქცევის გეგმები

საბჭოთა კავშირის ევროპისა და აზიის საბჭოთა შტატების კავშირად გადაქცევის გეგმები 
აკკპ ცკ-ს პოლიტბიუროს გენერალური მდივანი ლეონიდ ბრეჟნევი, კგბს თავმჯდომარე იური ანდროპოვი, თავდაცვის მინისტრი დმიტრი უსტინოვი, სკკპ ცკ-ს მდივანი და მომავალი გენერალური მდივანი კონსტანტინ ჩერნენკო. 1978 წლის 23 თებერვალი
Генсек Леонид БРЕЖНЕВ, глава КГБ Юрий АНДРОПОВ, министр обороны Дмитрий УСТИНОВ, секретарь ЦК КПСС и будущий генсек Константин ЧЕРНЕНКО после вручения медалей «60 лет Вооруженных Сил СССР» офицерам. 23 февраля 1978
http://eg.ru/daily/politics/35641/

ამათ უნდოდათ საბჭოთა სოციალისტური რესპუბლიკების კავშირის გადაქცევა ამერიკის შეერთებული შტატების მსგავს რამედ, ევროპისა და აზიის საბჭოთა რესპუბლიკების კავშირად //იხილეთ აკადემიკოსი ანდრეი სახაროვის კონსტიტუციის პროექტი,ევროპისა და აზიის საბჭოთა რესპუბლიკების კავშირის კონსტიტუციის პროექტი.//  

June 3, 2013

ესეც ევროპაა - წითელი ტერორის მუზეუმი ბუდაპეშტში


http://www.chekist.ru/article/3362
Советский «Вихрь» над Венгрией 
საბჭოთა ქარიშხალი უნგრეთის თავზე. 

1956 წლის პირველ ნოემბერს უნგრეთის მთავრობამ იმრე ნადის ხელმძღვანელობით განაცხადა ვარშავის პაქტიდან უნგრეთის გასვლის შესახებ და მოითხოვა საბჭოთა ჯარების გაყვანა. 
 
იმავე საღამოს რადიოთი გამოვიდა შინაგან საქმეთა მინისტრი იანოშ კადარი და განაცხადა ახალი უნგრული სოციალისტური პარტიის შექმნის შესახებ.

2 ნოემბერს იანოშ კადარი კგბს ოფიცრების თანხლებით ჩააბრძანეს მოსკოვში და წარუდგინეს ნიკიტა ხრუშჩოვს.

დიდმა ლიბერალმა და კიდევ უფრო დიდმა დესტალინიზატორმა ნიკიტა ხრუშჩოვმა,საბჭოთა დემოკრატიის იმედმა, კადარს შესთავაზა ჯერ კონტრრევოლუციის შეიარაღებული ძალით ჩახშობა და შემდეგ ასე დაწყნარებული ქვეყნის სათავეში ჩადგომა.

May 28, 2013

ლაკობასტანის და საბჭოთა დემოკრატიის სტალინისტ გმირებზე:

ნევზოროვი
1991 წლის 23 ნოემბერს სანკტ-პეტერბურგში თავისი 8000 მომხრის მიტინგზე ჟურნალისტმა და პოლიტიკოსმა ნევზოროვმა გამოაცხადა ალეკსანდრ ნეველის სახელობის  სახალხო-განმანთავისუფლებელი მოძრაობა "ჩვენების" შექმნა .

ამ მოძაობის მიზნად გამოცხადებული იქნა საბჭოთა კავშირის როგორც რუსეთის იმპერიის მემკვიდრის აღდგენა. მოძრაობის წევრები გახდნენ კომუნისტებიც და მონარქისტებიც,მათ შორის რადიკალური ნაციონალისტებიც და რიგის ომონის მეთაური ჩესლავ მლინიკი.

1992 წლის ოქტომბერში  345-ე საპარაშუტო-სადესანტო პოლკის მეთაური გენერალ-ლეიტენანტი და რუსეთის ფედერაციის საჰაერო-სადესანტო ჯარების ჯარების სარდლის ყოფილი მოადგილე ალეკსეი სიგუტკინი იბარებდა  ასე ვთქვათ აფხაზ მეთაურთა ანგარიშებს,გასცემდა ბრძანებებს და არიგებდა ჯილდოებს ეშერაში.

May 23, 2013

რა რომი დაღუპა ნერონის პერესტროიკამ

საინტერესო პირველი რომი: სამურაი რომაელები:

«…რომაული საზოგადოება ღირსების საზოგადოება იყო! ის სულაც არ ყოფილა დეკადენტური საზოგადოება რომელსაც ხშირად გვიჩვენებენ სატელევიზიო სერიალები.

პასუხისმგებლობა აღიქმება როგორც ტვირთი და პატივი.
რომაელი არისტოკრატები არ არიან ტკბობის და განცხრომა-სიამოვნებათა მოყვარულები.
ისინი უფრო სამურაები არიან ვიდრე ორგიების მოყვარულები.

არა და ეს ღირსება სათნოებები არ ყოფილა მარტო დიდი ოჯახების დამახასიათებელი ნიშანი.

მოსახლეობის აღწერისას, ცენზის ცერემონიის დროს კითხვებს უსვავენ ოჯახების უფროსებსაც. ეკითხებიან მათი ოჯახური ცხოვრების,მათი ქონების,მათი ზნე-ჩვეულებების შესახებ.

ამ დროს ნებისმიერ ვინმეს შეუძლია ჩარევა და თქმა :მე მას ვიცნობ, ის არ იხდის თავის ვალებს,მან უარი თქვა თავის საცოლეზე, მას არ მიუგია პატივი თავისი მშობლებისთვის. სხვა სიტყვებით მას არ დაუდასტურებია თავისი პატიოსნება.

May 10, 2013

ესეთებიც ამზადებდნენ პერესტროიკას საბჭოთა მწერალი ,იური მამლეევის სექტა

ფაშისტი ოკულტისტების გურუ ევგენი
გოლოვინი, "ფაშიზმის კირილე
და მეთოდე".
"არ მესმის თუ რატომ არა მაქვს საყვარელი ქალის მოკვლის უფლება" //სახელგანთქმული საბჭოთა მწერალი იური მამლეევის სექტის ვარსკვლავი ევგენი გოლოვინის აზრებიდან//.

მოსკოვური ჯუნგლებიდან - ფაშისტი ოკულტისტების გურუ ევგენი გოლოვინი
http://general-ivanov.livejournal.com/768359.html

ეს არაა პროვინციული ფაშიზმი.
ცნობა გაზეთიდან სტრინგერ //2003//. არის ზოგი უზუსტობა, ზოგადი დილეტანტიზმიც, მაგრამ ძირითადი ფაქტები სწორია.

ჯერ ეს - 2011 წლის 11 დეკემბერს რუსეთის მთავრობის მეთაურმა ვლადიმირ პუტინმა 80 წლის შესრულება მიულოცა მწერალ იური მამლეევს და დააყოლა რომ მისი შემოქმედება იქცა რუსული და მსოფლიო ლიტერატურის მნიშვნელოვან მოვლენად.

ეს მამლეევი არის რუსი მწერალი, დრამატურგი, პოეტი და ფილოსოფოსი, 1991 წელს დააჯილდოვეს ანდრეი ბელის პრემიით. ისაა მეტაფიზიკური რეალიზმის კლუბის პრეზიდენტი, ამერიკული, ფრანგული და რუსული პენ-კლუბის წევრი, რუსეთის მწერალთა, ლიტერატორთა და დრამატურგთა კავშირების წევრი.